01:49 م
الإثنين 17 يوليه 2023
تحدث الفنان أحمد فهمي، عن الفنان كريم عبد العزيز وعن حبه له وعن منافستهما في عيد الأضحى الماضي بفيلمي “مستر إكس” و “بيت الروبي”.
وقال فهمي، ببرنامج “تفاعلكم”: “كريم عبد العزيز أخويا وصاحبي وأستاذي كمان بس كل بني آدم عنده طموح إنه في وقت يقدر ينافس أي حد ويعديه كمان ده مش عيب .. أتمنى له النجاح وأنا من جمهوره بس أنا ببني إني في يوم من الأيام أقدر أعدي إيرادات كل الناس وأعمل أفلام أحلى من كل الناس”.
وأضاف: “إنت نازل مع نجوم كتير في سيزون واحد وسيزون تقيل وده مش جيلي خالص، أنا المفروض لما أنزل أنافس أنافس جيلي اللي هم محمد إمام ، مكي ، شيكو، هشام .. فأنا نازل في تجربة جديدة قصاد ناس أقوية جدا ففي الآخر إنك تعمل أرقام كبيرة في مصر في سيزون زي ده، حاجة كبيرة جدا”.
فيلم “مستر إكس” بطولة أحمد فهمي، هنا الزاهد، بيومي فؤاد، محمد أنور، محمد أسامة (أوس أوس)، رحاب الجمل، وبمشاركة مجموعة كبيرة من ضيوف الشرف، بينهم: إلهام شاهين، أكرم حسني، أمير شاهين، مي عمر، محمود حافظ، كابتن مجدي عبدالغني، إبراهيم فايق، سيناريو وحوار أحمد عبدالوهاب وأمجد الشرقاوي، والفيلم من إخراج أحمد عبدالوهاب.
