09:46 م
الأحد 25 أغسطس 2024
كتبت- منال الجيوشي
قال الدكتور أشرف زكي نقيب المهن التمثيلية، إنه يرفض مشاركة البلوجرز والتيك توكر في الأعمال الفنية.
وتابع أشرف زكي خلال مداخلة هاتفية مع الإعلامية نهال طايل في برنامج “تفاصيل”، المذاع على قناة “صدى البلد 2”: “لو فيه أي موهبة حقيقية بنرحب بيها، لكن لو بلوجر أو غيره والناس تقوله يلا نمثل لأ مش كده.. التمثيل مش مهنة من لا مهنة له، شوفوا ليكم شغلانة تانية وابعدوا عننا.. إحنا اللي فينا مكفينا والعيب مش عليهم”.
وأشار أشرف زكي إلى أن الخطأ الكبير في مشاركة البلوجر يأتي من بعض الشركات المنتجة والمنتجين الذين يلهثون ورائهم بغرض شهرتهم والترويج للعمل من خلال صفحاتهم.
وأضاف أشرف زكي: “أي حد هيشتغل من غير تصريح من النقابة بدون موافقة، تصل الغرامة لمليون جنيه، أي حد عاوز يمثل من التيك توكر لازم يتقدم بتصريح من النقابة لو بتتوافر فيه الشروط بنديه موافقة، لكن الموضة بتاعت البلوجر أنا رافضها شكلاً وموضوعاً ومش هسمح بيها، ممكن يستنوا لما أمشي ومدتي تخلص ويعلموا اللي هما عاوزينه”.
