07:51 م
الأربعاء 30 أغسطس 2023
كتبت- منال الجيوشي:
قالت الفنانة أنغام، إنها تعرضت لموقف صعب في طفولتها حينما قام والدها بضرب والدتها.
وتابعت أنغام، ببرنامج AB talks : “أصعب موقف مر عليا في طفولتي لما أبويا مد إيده على أمي، وأنا كنت بحب أبويا بشكل هستيري”.
وأضافت: “في اليوم ده هما معرفوش يداروا والظاهر قبل اليوم ده كانت الأمور بالنسبة لي بينهم مدارية، ومن بعد اليوم ده زي ما يكونوا سمحوا لنفسهم وقالوا خلاص هي شافت”.
واستكملت: “بعد ما ضرب أمي هو جاي يسلم عليا وهو خارج لزقت نفسي في الحيطة وقلتله لا مش عايزة أبوسك أو أسلم عليك.. هو اتخض”.
وأردفت: “زعلت جدا على أمي، واتاخدت منه ومن وقتها شفته شخص تاني، الراجل اللي كنت بتعلق في كتافه، ومعملتش كده تاني وأنا مرتاحة”.
واختتمت حديثها: “قررت بعدها حماية ماما، ودي بقت أهم مسئولياتي في الحياة”.
