03:37 م
السبت 31 أغسطس 2024
كتبت- منى الموجي:
حلت المخرجة الكبيرة إيناس الدغيدي ضيفة على برنامج “القرار” الذي تقدمه المذيعة ناديا الزعبي على شاشة قناة الغد، وكشفت خلال الحوار عن عام ميلادها وعمرها الحقيقي.
وبسؤال إيناس أي سؤال تختار أن تجيب عليه: حجم ثروتها أم الكشف عن سنها الحقيقي، اختارت الإجابة عن السؤال الذي تراه الكثير من النساء صعبا، وقالت “السنة دي عمري 70 سنة وعلى فكرة سعيدة جدا، سن السبعين سن جميل أنا من مواليد 1953، وسعيدة لإن مش حاسة إن فيه حاجة اختلفت في حياتي، مش حاسة إني كبرت أو تعبت وحاسة إن عندي عطاء”.
وتابعت “لسه مشفتش خط النهاية في حياتي بس عندي حتة خيالية في كل شيء، حاسة إن الموت حياة فيها جمال مش خايفة منه، حاسة إنه أكثر هدوءا وروحانيا وحتة مش عارفة إيه هي وأنا عايزة اكتشف كل حاجة، أنا الوحيدة اللي هتموت وترجع تقولك حصل إيه اتوقعوها مني في يوم من الأيام”.
وأشارت إيناس في بداية اللقاء إلى أول لحظة جرأة في حياتها، موضحة “لما دخلت الفن ومعهد السينما لإن إحنا عيلة مالهاش علاقة بالفن، عيلة ملتزمة دينيا ووالدي كان مدرس لغة عربية ودين”.
جدير بالذكر أن إيناس الدغيدي واحدة من أشهر المخرجات في السينما المصرية، وحققت نجاحات كبيرة من خلال أفلامها التي تناولت قضايا مهمة وجريئة، بينها: عفوا إيها القانون، الباحثات عن الحرية، كلام الليل، مذكرات مراهقة، امرأة واحدة لا تكفي، التحدي، قضية سميحة بدران، ديسكو ديسكو.
