08:55 م
الإثنين 29 مايو 2023
كتب- مروان الطيب:
أعلن الإعلامي إيهاب صالح عن الفنانة التي يتولى إدارة أعمالها بعد توقف التعاون بينه وبين الفنانة شيرين عبدالوهاب بعد 3 شهور من توليه إدارة أعمالها وذلك عبر حسابه الرسمي على “تويتر” بعد ساعات من حفل “شيرين” الذي أقيم مساء أمس الأحد في جدة.
وكتبت كارمن سليمان على حسابها الرسمي “تويتر” موجهة تعليقها لإيهاب قائلة “يا بوب أنا اللي مبسوطة جداً جداً وان شاء الله نكسر الدنيا مع بعض”، ليرد عليها إيهاب “دايماً سعيدة يا رب وإن شاء الله اللي جاي فرحة عارمة والتكسير جاي كده كده متقلقيش”.
وأعلن إيهاب صالح عن تركه مسؤولية إدارة أعمال الفنانة شيرين عبدالوهاب قائلاً “جمهور شيرين العظيم الحمد لله على نجاح حفل جدة كما كان متوقع وده العادي بتاع شيرين في أي حفلة، أجلت الإعلان بالقرار ده لحد بعد الحفلة وحابب أشكركم جداً على كم الدعم الرهيب خلال الفترة اللي فاتت ليها في المقام الأول وطبعاً بعد كده ليا، قررنا أن من الأفضل لينا أن نحط صداقتنا والعشرة قبل أي حاجة وابتعد عن إدارة أعمالها وده أكيد لمصلحة الطرفين ولينا أسبابنا”.
مختتماً تعليقه “أحب اشكر كمان جمهورك اكيد اللي مشوفتش منه، غير كل خير و حب ، شكرا بجد من كل قلبي، واكيد شكر كبير لسيادة المستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو وقد إيه كان مهتم بشيرين، ومقدر قيمتك وتقديرك بشكل يليق بيكي صوت احساس العرب، وده مش غريب عليه، ودايما في ضهر كل الفنانين العرب كده كده. دي شهادة حق لازم تتقال”.
