08:25 م
الإثنين 19 يونيو 2023
كتب- مروان الطيب:
حل الريجيسير إبراهيم عمران أحد أشهر الريجيسيرات في السينما المصرية، ضيفاً على برنامج “المنسي” تقديم المذيعة إنجي هشام والذي يعرض على قناة “هي”.
وقال إبراهيم: كنت شغال في فيلم “البطل” للراحل أحمد زكي وبنصور وكان من ضمن المجاميع اللي كانت بترقص علا غانم ومحمد هنيدي كنت بجيبه في الأول يعمل أدوار ثانوية ومكنش عنده تليفون وكنت بكلمه عند الجيران وشيرين عبدالوهاب كانت معايا في ميدو مشاكل ومكانتش بتعرف تمثل وربنا كرمها وبقت نجمة”.
واستكمل “تامر حسني كان معايا في فيلم حالة حب والفنانة شيرين سيف النصر فيلم البلدوزر أول حاجة ليها والفنان مصطفى قمر كان أول حاجة معايا في فيلم البطل ونجوم كتير تانيين بدايتهم كانت معايا وكان وشي حلو عليهم وأي حد اشتغل معايا سواء كومبارس أو أدوار ثانوية أو أول مرة يمثل ده ربنا بيكرمه ولحد دلوقتي نجوم كبار زي محمد رمضان”.
والـ “ريجيسير” هو الشخص المسؤول عن اكتشاف الوجوه الجديدة والـ “العمود الفقري” للعمل ككل وكونه الوسيط و”همزة الوصل” بين القائمين على الأعمال سواء التليفزيونية أو السينمائية وبين النجوم الصاعدة الذين يأخذون خطواتهم الأولى في عالم الفن من خلال جمع المجاميع و الكومبارسات وهو أحد الجنود المجهولين وراء الكاميرا.
