06:35 م
السبت 03 أغسطس 2024
كتب- مروان الطيب:
أعاد لقاء الفنان أمير شاهين مع المذيعة ياسمين الخطيب ببرنامج “شاي بالياسمين” المعروض على قناة “النهار” إلى أذهان الجمهور تصريحات شقيقته الفنانة إلهام شاهين عن الشيخ محمد متولي الشعراوي، والتي انتقدته خلالها.
أمير أشار خلال الحوار أنه حذرها من عدم الخوض في هذه المسألة حتى لو كان جزء كبير منها حقيقة، نظرًا لشعبية الشيخ الراحل الجارفة، وأكد في النهاية أن ما قالته نابع عن قناعاتها الشخصية.
إلهام شاهين كانت قد أثارت جدلًا كبيرًا لانتقادها الشيخ الراحل محمد متولي الشعراوي خلال وجودها ضيفة على برنامج “كتاب الشهرة” تقديم المذيع اللبناني علي ياسين المعروض على قناة “الجديد”، وكشفت خلاله عن رفضها فكرة تقديم عمل مسرحي جديد يتناول سيرة ومسيرة الشيخ الشعراوي، بسبب أفكاره المثيرة للجدل على حد قولها.
وقالت إلهام شاهين منتقدة الشيخ الشعراوي: “لما قلت اتفرجوا على الشعراوي واتعلموا منه ماكنتش لسه شفت فيديوهاته، وكنت وقتها بقول بعد الثورة اهدوا عشان نبني البلد وقلت وقتها اذا كنتوا بتحبوه وبتسمعوه اعملوا اللي بيقوله واتعلموا منه في الجزئية دي، ومكنتش شفت فيديوهاته القديمة وأنا مش متابعة جيدة ليه أبدًا، وشفت فيديوهات أنا ضد كل اللي فيها منها إنه قال كلام ضد المرأة، زي إيه يعني لما المرأة جوزها يضربها، وقال طالما الزوج شاف عورتها يبقى إيه يعني لما يضربك”.
واستكملت: “وقال برضه لما حد يكون مريض مش مهم تعالجوه عشان متأخروش لقائه بربه، ليه يبقى عنده غسيل كلوي تودوه يتعالج وتخسروا فلوسكم وفي الاخر هيموت، وقال في موضوع لما المسلم يتجوز مسيحية إنه ميحبهاش ولا يودها هو جواز فقط وماتقولهاش حتى كل سنة وانتي طيبة في عيدها، وكانت أفكار كتير فيديوهات شفتها كانت صادمة بالنسبالي، وأنا لا معاه ولا ضده بس ليه نعمل عمل فني عنه؟، متعملولنا عمل فني عن العلماء طوروا شيء مهم في الحياة، حد اكتشف مثلا علاج لمرض خطير، الناس اللي أفادوا البشرية لكن هل كلامه اللي قولته أفاد البشرية في شيء؟، خلوا لينا قدوة من خلال العلم نتعلم شيء الناس اللي أفادوا البشرية بجد”.
يذكر أن أخر مشاركات الفنانة إلهام شاهين كانت في حكاية “ألفريدو” عام 2023 وشاركها البطولة الفنان أحمد فهمي.
اقرأ أيضا:
ياسمين عبدالعزيز ناعية محمود كمال: “هتمشي مع حسام والله كتير اللي بيحصلي”
بالصور والفيديو.. البروفة الأخيرة لـ محمد رمضان قبل حفله بالساحل الشمالي
