04:08 م
الأحد 02 يوليو 2023
كتب- مصراوي:
شاركت الإعلامية ميار الببلاوي متابعيها بمنشور جديد كشفت خلاله عن إصابتها بنزلة شعبية بعد إتمامها مناسك الحج.
وكتبت عبر صفحتها بموقع التواصل الاجتماعي “فيسبوك”: “طول عمرنا عارفين إن النزلة الشعبية وتكسير الجسم بعد الحج علامة قبول طاعة.. نسأل الله ذلك بس بجد حرفيا بموت نسألكم الدعاء”.
وتعرضت ميار لهجوم من متابعة علقت على المنشور: “إيه الجملة؟ حضرتك نزلة شعبية إيه اللي علامة قبول الحج؟ هو حضرتك كنتي بتحجي في مستوصف؟ هو أي كلام والسلام؟ في إيه يا جدعان الناس اللي بتقول سلامتك طب راجعوها في الكلام الأول.. يعني اللي جاله كحة بس تتحسب له عمرة ؟ .. منتهى العبث في الكلام والناس ولا هي هنا”.
وقامت ميار بتعديل المنشور، وكتبت: “إيه كمية الهجوم دي؟ أنا تعبانة مكنتش قادرة أشوف الأساتذة اللي بيتريقوا على علامة قبول الطاعة، ربك لما يقبل طاعتك بيوفقك لطاعة أكبر وأجرها أعظم والصبر على المرض والابتلاء عبادة وأجرها يعلمه الله.. إنما يوفى الصابرون أجرهم بغير حساب يعني مبفتيش وتقال من باب التبشير للحاج والمعتمر الذي لم يدخر جهدا في طاعته”.
كما قامت ميار بالتعليق على منشورها، موجهة كلماتها للمتابعة التي هاجمتها: “بصي أنا عشان تعبانة مش هنزل لمستوى حوار حضرتك.. أيوة لما بنرجع تعبانين بنقول إنها علامة قبول وده مالوش علاقة بإن اللي متعبش متقبلش معناها إنك اجتهدتى في طاعتك قدر جهدك ونسأل الله الحديث الشريف حتى الشوكه يشاكها العبد تكفر عنه ذنوبه فما بالك مرض شديد قوي”.
وأردفت: “أليس تكفير ذنوب ورفع درجات بصبرنا واحتسابنا؟ وبندعي طول الحج اللهم اغفر لنا فبنقولها تبشرا للحاج والمعتمر نسأل الله أن تكون علامة قبول ايه؟، أي هجوم وخلاص؟ أي تجني وخلاص؟ حسبي الله ونعم الوكيل في كل حد شكك في كلامي واتريق عليه، أيوة أسأل الله أن تكون علامة قبول لأن الصبر على المرض والاحتساب أجره كبير فقد وفقت لطاعة بعد طاعة وأجر بعد أجر”.
جدير بالذكر أن ميار الببلاوي ارتدت الحجاب قبل سنوات، وبعد مشاركتها في عدد من الأفلام والمسلسلات، وتطل على جمهورها بتقديم برامج تليفزيونية تناقش قضايا اجتماعية ودينية.
