10:47 ص
الإثنين 22 مايو 2023
كشف الفنان المبدع أحمد فتحي، عن موقفه من فكرة تبني أطفال بعد معاناته مع الإنجاب، مؤكدا أن أولاد أخته وأولاد أخت زوجته بمثابة أولاده، وأن عدم إنجابه حكمة إلهية.
وقال فتحي، ببرنامج “واحد من الناس”: “عدم الإنجاب قربني من زوجتي أكثر وأثر في شخصيتنا، إننا لازم نؤمن بالرزق والقدر، وإن مفيش حد بيعاند ربنا، وأكيد كل حاجة لها حكمة”.
وتابع: “أكيد ربنا شايل لنا حاجات أهم وأحسن، ومفيش حد بياخد كل حاجة، وولاد أختي وولاد أخت مراتي ولادنا”.
وحول تفكيره في تبني أطفال، فأوضح: “مفكرناش في التبني وكفاية اللي عندنا”.
وعن زوجته، فقال: “زواجنا كان زواج صالونات، وهي أخت زوجة واحد صاحبي، ولما بدأت أتكلم معاها لفتت نظري بالقناعة، وعرفتها كل شيء عن ظروفي”.
وأضاف: “كانت شقتنا في إمبابة 50 متر، بعد ما كانت عايشة مع أهلها في شقة 250 متر، ورضيت تعيش فيها 11 سنة، ولو أنا كويس دلوقتي أكيد علشان خاطرها”.
