01:17 م
الأحد 17 مارس 2024
كتب – هاني صابر:
وجه النجم تامر حسني، رسالة لمتابعيه وجمهوره عبر السوشيال ميديا، تتضمن عدم الاستسلام للأزمات وأي إحباط يواجههم في الحياة.
وكتب حسني، عبر حسابه على “إكس” : “صباح الفل على الجميع.. الكل بيتمنى أن مشوار حياته يبقى خالي من الأزمات ومبيعرفش أن الأزمات هي اللي بتقويه وتخليه يوصل أسرع عشان كده أوعى تخاف من الأزمات.. الحياه فوق وتحت والمحنة بإيدك تحولها منحة والألم بإيدك تحوله لأمل”.
وتابع: “حرفين بس بدلهم جواك ومتلتفتش لحظة للي يحبطك بالعكس قوم أنجح زيادة و أفرسه، خليك أنت بتكبر وهو عمال يصغر، ولما ظروفك ترجعك لورا أوي قول استحمل شوية، وافتكر أن السهم اللي على قد ما يرجع ورا على قد ما ينطلق أسرع ويوصل لأبعد مدى”.
واستكمل: “هي دي وعود ربنا لينا اللي لا يمكن يحصل غيرها، هينصفك ولو بعد حين (ثق في ترتيب أقدار الله وأنت مغمض ومتطمن وأحمده على الضراء قبل السراء) هتلاقي نتايج مزهلة بس طبعا مع مجهودك المستمر في السعي”.
وأضاف تامر: “سبحان الله، التجربة دي أنا شوفتها كده بتشرح معجزة آية (إن مع العسر يسرا) بصوا العسر هنا أن الكورة تعسرت في المشوار ونزلت وطلعت كتير بس اليسر أنها وصلت أسرع وبكتير.. رمضان كريم”.
وكان تامر حسني، قد أثار حالة من الجدل والانتقادات بعد مشاركته في إعلان لأحد شركات بيع منتجات “رقائق البطاطس” والذي يعرض تزامنا مع شهر رمضان الكريم 2024، وأتهم بتخليه عن القضية الفلسطينية في ظل أحداث غزة.
ورد “تامر” بعدها على هذه الادعاءات بحقه، عبر حسابه على إنستجرام، قائلا: “بقالي يومين بتابع اللي بيحصل واحتراما للجميع .. أنا بوضح حاجة بخصوص إعلان شيبسي الأخير.. أولاً: أنا على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش أحياناً الكلام عند بعض الناس بيبقى سهل و تحديداً لما بيكون بدون علم بالعقود وبحيثيات الموضوع كله”.
وتابع: “ثانيا.. أنا مضيت على عقد مكتوب فيه أن شيبسي شركة مصرية ولها سجل تجاري ضريبي مصري منفصل والبند قدامكم أهوه لصدق كلامي. ثالثا.. والأهم لأي حد بيشكك في انتمائي للقضية الفلسطينية هقوله أنا من ٢٠ سنة وأنا في ضهر القضية ومش كلام وأغاني بس لا.. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب مجاملة مثلا”.
وأضاف: “أخيراً.. أنا لما قررت أكون الوجه الاعلاني لشيبسي من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس واتربينا عليه والأهم أن الشخص البسيط يقدر يشتريه في ظل ظروفنا الاقتصادية وأظن ده واضح في الاعلان .. ده كان شعوري الشخصي تجاه الحملة وأنا بمضيها من سنتين عشان كده كان واجب عليا التوضيح للجميع وللّي مش واصلاله الصورة بكل احترام .. وشكراً لكل اللي ردوا عني وهم مغمضين، حقيقي انتوا نعمة كبيرة من ربنا ألف شكر ورمضان كريم على الجميع”.
صباح الفل على الجميع … الكل بيتمنى ان مشوار حياته يبقى خالي من الازمات و مبيعرفش ان الازمات هي اللي بتقويه و تخليه يوصل اسرع عشان كده اوعى تخاف من الازمات الحياه فوق و تحت و المحنه بايدك تحولها منحه و الألم بأيدك تحوله لأمل حرفين بس بدلهم جواك و متلتفتش لحظه للي يحبطك بالعكس… pic.twitter.com/RGuEReE8Nv
— Tamer Hosny (@tamerhosny) March 17, 2024
اقرأ أيضا:
زينة تنشر مشهد يجمعها مع أحمد السقا من مسلسل “العتاولة”.. وتعلق: “بحبك”
والدة منة فضالي تخضع لعملية كبيرة.. والأخيرة: أكبر امتحان ليا وادعولها
