12:02 م
الأحد 25 أغسطس 2024
كتبت- نوران أسامة:
وجه الناقد الفني طارق الشناوي رسالة للفنانة شيرين عبد الوهاب، وذلك بعد أن تحدثت عن أزمتها مع شركة روتانا في مداخلة هاتفية أجرتها مع الإعلامي عمرو أديب.
وقال الشناوي لبرنامج الحكاية المذاع على شاشة قناة “MBC مصر”: “شيرين حالة إبداعية جميلة، فقط الجانب الإنساني الذي نعرفه جميعا هو الذي يعرقل هذه المسيرة، واستمعت لأغانيها الأخيرة ووجدت أنها تحمل قدر من محاولة البحث عن آفاق مختلفة للكلمة واللحن”.
وتابع: “من يكتب ويلحن لشيرين يأخذ من الحالة الإبداعية عندها، فصوتها ملهم وحالتها ملهمة، وشيرين من المطربات اللاتي ينطبق عليهن المنبع والمصب، فأنت تستوحي من حالتها الغنائية كلمات وألحان، فتصبح هي المنبع ثم تعود إليها فتصبح هي المصب”.
وأضاف الشناوي: “شيرين بيدها الأمر إذا استطاعت أن تواصل الرهان على شيرين المطربة، لن يستطيع أحد أن يخرجها عن مسارها الفني، فهي مطرب حفل وجمهور، وانتظر حفل قريب لشيرين، فلديها رصيد كبير من الحب، وهذا يظهر في أنها ليست لأول مرة تتعثر وجدانيا، وقلوب العرب تنتظر عودة شيرين عبد الوهاب”.
وفي سياق آخر سنعرض أبرز تصريحات شيرين عبدالوهاب مع برنامج الحكاية:
– “مع كامل احترامي لكل اللي اتكلموا، قسما بالله العظيم، قسما باللي رفع السما والأرض، كل كلامهم غلط حتى المحامي بتاعي لأنه موضحش للناس الموضوع”.
– تعاقدت مع “روتانا” وأنا نجمة الوطن العربي بعد ألبوم “لازم أعيش”، والعقد الذي بيننا ينص على أن شيرين عبدالوهاب لو لم يتم عمل دعاية لها توازي حجمها دوليا وعربيا، يُعتبر لاغي.
– سلمت شركة روتانا وقت جائحة “كورونا” أغنية اسمها “مش قد الهوا” لم يتم عمل دعاية لها بخمسة جنيه، وبعدها أغنية “كلها غيرانة” نجحت جدا وكسبوا منها دون دعاية بستة جنيه.
– “اتعلمت اسكت عشان بيتقال شيرين بتاعة مشاكل”.
– “كان معايا واحد بيشتغل فجأة لقيته باع أغنية ليا لـ أنغامي بدون علمي ومشيته، ومفيش ورقة تنص على علمي بده، وكلمت مدير روتانا في مصر، إنه من حقه يقاضي المكان الآخر، واللي حصل إنهم قاضوني أنا واخدوا مني أنا.
– “أنا ماضية عقد بـ12 أغنية والألبوم التاني بالتراضي بينا، يعني لازم أوافق، أنا مش كاتبة في عقدي إني أسلم الألبوم كامل وينزلوه مرة واحدة، هما بوظوا كل العقد”.
– “همضي مع شركات تانية ليه وأنا عندي شركة تانية ليا والأغاني موجودة”.
– “روتانا عايزة شيرين عبدالوهاب حصري في الحفلات، والفلوس اللي دافعينها باخدها في حفلة”.
– “قسما بالله روتانا امتنعت عن استلام الأغاني عشان عايزة شيرين حصري في الحفلات وده مش اتفاقنا مفيش الكلام ده، ده رزقي ورزق عيالي مش هديه لحد، كفاية أخدوا مني 8 مليون جنيه”.
– “أخر تليفون بيني وبين طوني سمعان بعد ما يئست من الدنيا واللي فيها، قلتله قول لأستاذ سالم الهندي ياخد كام ويحل عني، رجعلي برد مش يحرق الدم، حسيت إنهم متفقين عليا، قالي إحنا عايزين الشرط الجزائي وتعويض”.
– “طول عمرهم فيه أذى، وابتدى من أول شرط إني أخد أغنية منك ومعملكيش دعاية، يبقى النية إيه هنا يا فندم”.
– “بناشد القضاء المصري زي ما اتحكملهم بـ 8 ملايين جنيه بالسرعة دي يتحكم لي في القضايا بتاعتي بسرعة”.
– “أنا فلة شمعة منورة، والله العظيم زي الفل كتر خيرهم وعلى دماغي اللي بيعملوه عشاني، أنا ماضية دلوقتي مع شركة ربنا واللي واقف معايا رب العالمين”.
– “ياريت تخليني أقفل قبل ما أقول حاجة تخليهم يمسكوا عليا حاجة، أنا سجن النسا واحشني جدا ومش فارق معايا حاجة نفسي أجرب تجربة سجن النسا دي، أنا هبقى كوين في السجن وجتتي نحست”.
– “قسما بالله ما يحصل الصلح، مش هتصالح مع حد قعدني في البيت 4 أو 5 سنين”.
– “قلبي وجعني لاني مش مصدقة النجاح ده كله، الحمد لله ربنا كارمني قوي قوي”.
