11:45 ص
الإثنين 28 أغسطس 2023
كتبت- منال الجيوشي
تحدث الفنان حسن فؤاد عن مطربي جيل التسعينات، قائلا: “هما جت عليهم فترة كانوا لامعين جدا، ولكن الفنان أحيانا بيجي عليه وقت كده وبيتوارى شوية لا أكتر ولا أقل، ولكن كانوا نجوم كبار”
وتابع: “إبراهيم عبدالقادر ليه حاجات حلوة كتير وهو حبيبي وصاحبي، وعلاء عبدالخالق الله يرحمه حبيبي، ووقت وجودهم مكنوش مظلومين خالص لأنهم حققوا حاجات حلوة مع حميد الشاعري”
وكشف حسن فؤاد خلال تصريحاته مع الإعلامية إنجي هشام في برنامج” المنسي” عبر قناة هي عن مطربه المفضل من الجيل الحالي من بين تامر عاشور ورامي صبري ورامي جمال قائلا: “تامر عاشور جميل واختياراته بتعجبني”
وكشف عن الملحن الذي يريد التعاون معه الفترة المقبلة من بين الملحن محمد يحيي وعمرو مصطفى وعزيز الشافعي قائلا: “هما التلاتة بيقدموا مزيكا جميلة وعمرو جميل بس أحيانًا بيقول كلام على طول معرفش قاله ولا لا بس دايما بيقول أنا أنا، يعني هو قال أنا أول واحد دخلت الجيتار طب مسمعتش أغنية انسى الدنيا وريح بالك للأستاذ عبدالوهاب من ٧٠ سنة؟ كان فيه جيتار، هو ساعات بتطلع منه تصريحات بس كده لكن ملحن جميل وأغانيه ناجحة لكن عايزة بهدى شوية.
