06:56 م
الأربعاء 06 سبتمبر 2023
تحدثت الفنانة رانيا محمود ياسين، عن زوجها الفنان محمد رياض ووالديها الفنان محمود ياسين والفنانة شهيرة.
وقالت رانيا، ببرنامج “الستات ما يعرفوش يكدبوا”: “أنا ومحمد رياض داخلين على 25 سنة متجوزين، وعشت معاه أكتر ما عشت مع أهلي لأني اتجوزته صغيرة..
واتعلمت منه أني ما أكشفش كل ورقي بسهولة، لأن هو بيحب يسمع أنا بحب أتكلم، واتعلمت منه أني أسمع وفي الآخر ابني قرار، وأني أهدى في مشاعري ومبينش كل مشاعري مرة واحدة”.
وتابعت: “هو عنده تريث وهدوء وبيدرس الأمور، لكن أنا دايما مندفعة ومش بحب أضيع وقت في دراسة الأمور، وعندي روح المخاطرة”.
وعن الصفات التي اكتسبتها من والديها، فقالت: “الحاجات اللي اكتسبتها من أهلي كتير زي حب البيت والأسرة واتوصيت على ده بطريقة مباشرة وغير مباشرة، وطول الوقت معايا، وشفت منهم حرصهم على البيت، وقالولي لازم تحافظي على بيتك وتخلي بالك..
وإحنا كنا جيل مؤدب وأهلنا لما بيقولوا حاجة يبقى هي دي الصح، عكس الجيل الحالي”.
وأضافت: “خدت من أمي الخوف الزيادة علينا ومن بابا صفة اتقي شر الحليم إذا غضب، لأن والدي لما كان يتنرفز ما يتعرفش لأنه عنده حلم شديد وصبر
على اللي قدامه وشخص لطيف ومتواضع بس ما تزعلهوش كتير لأنه بيكون صبر وبيدي فرص كتير، وأنا مش بنفعل بسرعة وبدي فرص كتير بس لما بقلب بكون وحشة أوي”.
