07:29 م
الخميس 27 يوليو 2023
كتب- مروان الطيب:
حل الفنان حسين أبو حجاج ضيفاً على برنامج “المنسي” تقديم الإعلامية إنجي هشام ويعرض على قناة “هي”.
وتطرق “حجاج” لعلاقته بنجم الكوميديا محمد هنيدي ومشاركته بطولة فيلم “صعيدي في الجامعة الأمريكية” والذي كان بمثابة انطلاقة لهنيدي في السينما المصرية.
وعن عتابه لمحمد هنيدي قال “أنا مش زعلان منه ولا حاجة ده كان في لقاء في التلفزيون وقالولي هنيدي مبيسألش ليه قلت لهم ما بيسألش أنا اشتغلت معاه صعيدي في الجامعة الأمريكية والفيلم نجح جداً”.
واستكمل “وقابلته بعد كده وقلت له أنت نسيتني ليه قالي احنا مش هينفع نشتغل مع بعض تاني عشان المشهد بتاعك في الفيلم كان حلو والناس مش ناسية لؤي لما الناس تنسي لؤي ينفع نشتغل مع بعض تاني”.
وأضاف “لقيت كلامه مش منطقي الناس لما بتلاقي حد ناجح في مشهد بتجيبه لكن هو كلامه كان العكس”.
وينتظر النجم محمد هنيدي عرض أحدث أعماله السينمائية هذا العام وهو فيلم الكوميديا “مرعي البريمو” والمقرر طرحه بدور العرض السينمائي مطلع شهر أغسطس المقبل ضمن موسم أفلام الصيف.
تدور أحداث فيلم “مرعي البريمو” في إطار كوميدي حول مرعي البريمو الذي يعمل في تجارة البطيخ حيث يواجه العديد من المواقف والمفارقات الكوميدية من خلال عمله، ويشارك هنيدي البطولة كلاً من غادة عادل، علاء مرسي، محمد محمود، مصطفي أبو سريع، أحمد بدير، تأليف إيهاب بليبل، وإخراج سعيد حامد.
