01:14 م
الخميس 25 مايو 2023
كتب- هاني صابر:
تفاعل رواد مواقع التواصل الإجتماعي مع قصة يارا السكري والمطربة المعتزلة بسمة بوسيل بسبب الفنان تامر حسني، خاصة بعد رسائل بسمة الأخيرة التي وجهتها لـ هالة عمر مسئولة السوشيال ميديا لتامر حسني بحفل زفافها.
ويعود السبب في أزمة بسمة وهالة عمر، كون هالة هي من عرفت يارا السكري على تامر حسني وكانت سببا لمعرفتهما ببعض، كما حضرت يارا السكري حفل زفاف “هالة” في وجود تامر حسني.
وجاءت تعليقات الجمهور، كالتالي: “يارا السكري اللي تامر حسني طلق مراته عشانها كانت منزلة فيديو امبارح من الفرح اللي حضره تامر، وتامر ملبسها جاكت البدلة بتاعته عشان البرد وبترقص” ، “عزيزتي بسمة بوسيل.. لو تامر طلقك عشان يارا السكري مع إني متأكدة إنه قرارك انتي مش تامر فتبقي تلومي تامر مش يارا ولا هالة عمر هو مش قاصر يا حبيبتي هو اختار بمزاجه هو يتحمل المسئولية مش اللي ارتبط بيها يا حبيبتي”.
ومن بين التعليقات أيضا “يا جماعة انتوا عمالين تقولوا يارا السكري دي اللي تامر حسني خان بسمة معاها وهالة اللي عرفتهم على بعض وأصلا دي شكلها مرتبطة بواحد اسمه حسن غنيم وليهم فيديوهات كتير على تيك توك حتى طول الفرح كانت قعدة معاه” ، “بسمة بوسيل طليقة تامر حسني حسبنت على هالة عمر يوم زفافها .. هالة تدير صفحات تامر على السوشيال بتحسبن عليها لأنها عرفت تامر على يارا السكري اللي حبها ولبسها الجاكت بتاعه في الفرح”.
وكانت بسمة بوسيل طليقة الفنان تامر حسني، نشرت مقطع من حفل زفاف هالة عمر مسئولة السوشيال ميديا لطليقها تامر حسني، عبر ستوري حسابها على إنستجرام، وعلقت: “حسبي الله ونعم الوكيل فيكي يا هالة”.
كما طاردت يارا السكري، شائعات الزواج عرفيا من تامر حسني، عقب نشر بسمة بوسيل، رسالة غامضة عبر “ستوري” حسابها على موقع “إنستجرام”، وكتبت: “يارب يخلصني من الناس المنافقة الخاينة اللي في حياتي ويعوضني عن صبري”.
وزادت سخونة الشائعة، عقب إعادة بسمة نشر تدوينة لحساب يحمل اسم محبيها، وفيها: “اللهم خفف عن بسمة ثقل هذه الأيام وارزقها قوة الصبر واشرح صدرها وانزع منه ما استثقلته نفسها وأرح قلبها يارب”.
ومع تصاعد الجدل حول ظهور يارا مع تامر، قامت بسمة بوسيل بحسم على ما تردد عن الزواج العرفي، و عبر خاصية “ستوري” في صفحتها في موقع “إنستجرام”، نشرت صورة خبر الزواج السري ، وكتبت: “يارب تبطلوا تكتبوا الإشاعات دي ، حرام تنزلوا صور وتشهروا ببنات لسة متجوزتش”.
وأضافت: “أنا أم لبنتين ومرضاش ده لبناتي ، فياريت نراعي ربنا في مهنتنا ونتأكد من أي حاجة قبل ما ننزلها”.
