11:00 ص
الجمعة 11 أغسطس 2023
كتب- مروان الطيب:
حل المخرج محمد جمال العدل (ماندو) ضيفاً على البرنامج الإذاعي “الراديو بيضحك” على راديو “9090”.
وتطرق “ماندو” لأحدث أعماله السينمائية هذا العام وهو فيلم “ع الزيرو” بطولة النجم محمد رمضان والذي عرض مؤخراً بموسم أفلام الصيف، ويلقى نجاحاً ملحوظاً بشباك التذاكر، كما تحدث “العدل” عن مسلسله الجديد “الراكون” بطولة الفنان يوسف الشريف في أول تعاون لهما معاً في الدراما التليفزيونية والمقرر عرضه بموسم رمضان 2024.
وعن اختياره للطفل منذر مهران لمشاركة رمضان بطولة فيلم “ع الزيرو”، قال: “أنا شوفته في مسلسل جزيرة غمام بس رمضان فكرني بيه قالي إنه كان معاه في كليب وقولت له إني شوفته في جزيرة غمام، وكان عاجبني واتفرجت على الكليب حسيت إن بينهم حاجة ممكن يبقى فيها كيميا، وجبته ولما قعدت اتكلمت معاه أول مرة لقيته لذيذ لمض كده حبيته يعني، وحسيت إنه بالشبه بالشكل بالكيميا يمشوا أب وابنه”.
وعن اختياره لطفل في هذا السن وعن التزامه في التصوير قال: “منذر محترف خالص منذر ممثل مش طفل ملتزم بالتصوير وكان يخلص يقعد ساكت متعبنيش”.
وعن الشائعات التي أشارت إلى اعتذار الفنانة إلهام شاهين عن المشاركة بفيلم “ع الزيرو”، قال: “لأ محصلش”، موضحاً “حد يطلع يقول عليك حاجة مش حقيقية عشان تطلع ترد عليه فيبقى فيه موضوع، وأنا بشتغل ومركز في شغلي وإن كل خطوة عن خطوة أحاول أثبت فيها حاجة أحسن مش فاضي بقى أقعد أرد على فلان قال وفلانة قالت”.
“ع الزيرو” تأليف الدكتور مدحت العدل، إخراج محمد جمال العدل، إنتاج جمال العدل، بطولة محمد رمضان، نيللي كريم، جومانا مراد، إسلام إبراهيم، الطفل منذر مهران.
