06:07 م
السبت 03 يونيو 2023
كتب- مروان الطيب:
حل النجم محمد رمضان ضيفاً على برنامج “ضيفي مع معتز الدمرداش” والذي يُعرض على قناة “الشرق للأخبار”، وتحدث خلاله عن النجاح الكبير لمسلسله “جعفر العمدة” والذي عرض بموسم دراما رمضان الماضي إلى جانب مشاريعه السينمائية خلال الفترة المقبلة.
وقام “معتز الدمرداش” بسؤاله عن بدايته الفنية وعن المعاناة التي مر بها بالعديد من التجارب حتى وصوله لقمة النجومية: “في بداياتك كان فيه ناس بتنصحك تنزل وسط البلد فتلاقي الفنانين فأنت كنت فاكر هتنزل تقابل حسين فهمي وفنانين وهتخبط فيهم طول ما أنت ماشي وطبعاً نزلت وسط البلد ملقتش حسين فهمي ولا سعاد حسني عملت ايه؟”.
ورد عليه رمضان قائلاً “بدأت يمكن من أول عمارة في طلعت حرب واسأل البواب هل فيه منتج أو مخرج أو ممثل ليه مكتب هنا، يقولي لأ أدخل العمارة اللي بعدها يقولي لأ أكمل اللي بعدها ولما أتعب كنت أعلم العمارة بأي حاجة تحتها وأروح وأكمل تاني، يوم كنت عامل خطة كده أني أعمل مسح تام لمنطقة وسط البلد وفي الرحلة دي شوفت كلام كتير حلو وشوفت احباطات كتير بس كنت مستمتع أني بسعي في شئ أنا حابه ولاقي نفسي فيه”.
واستكمل “كان اقصى طموحي اني اكون ممثل قمة أجري أن المخرج يقولي برافو عليك وزمايلي يقولوا أداؤه كويس حصلي حالة تشرس طموح، أنا إزاي عندي الطموح البسيط ده، بعض العوامل اللي قابلتها في رحلتي قدرت تشرس الطموح ده، أنا عايز أبقي ممثل بس فأقابل إحباط وعقبات وحروب على الممثل الصغير ده اللي مش عايز أكتر من انه يعمل مشهدين حلوين، فحصل تشرس للطموح وإصرار أكتر أنت مش راضي أبقى ممثل بس طب هبقى ممثل كبير بقى جوايا تحدي طول الوقت واي إحباط أو هجوم بقي عامل نتيجة عكسية وبيتحول لدافع”.
وكان “رمضان” قد أنهى مؤخراً جولته الغنائية الأولى بالولايات المتحدة الأمريكية وحقق خلالها نجاحاً كبيراً وسط حضور ضخم من قبل الجاليات العربية والمصرية هناك.
يذكر أن محمد رمضان أوشك على الانتهاء من تصوير فيلمه “ع الزيرو” والذي يشارك بطولته لأول مرة مع النجمة نيللي كريم، والمقرر عرضه ضمن منافسات موسم أفلام عيد الأضحى المقبل.
