02:49 م
الخميس 03 أكتوبر 2024
كتبت- نوران أسامة:
حل الفنان محمد عبدالرحمن ضيفًا على برنامج “فايق ورايق”، تقديم الإعلامي إبراهيم فايق.
وتحدث “توتا” عن كواليس مشاركته في فيلم “إكس لارج” بطولة النجم أحمد حلمي، وقال: “روحت أوديشن في مركز الإبداع بتاع خالد جلال قالوا فيه فيلم هيتصور اسمه “إكس لارج” بتاع أحمد حلمي، روحنا مكتب أستاذ شريف وأنا معرفش إن ده مكتب أستاذ شريف وقتها، واتعملنا أوديشن ومشينا وروحت بعدها بأسبوع لقيت تليفون قالولي إحنا مكتب أستاذ شريف عرفة وعايز يقابلك وقولتلهم يا جماعة ده هزار بايخ ومش وقته، قالولي يا فندم إحنا مكتب أستاذ شريف عرفة المهم قفلت وروحت أقابل شريف عرفة”.
وتابع: “ماكنتش مصدق هقابل شريف عرفة وفيلم لأحمد حلمي، عملت أول شوت وكان مبسوط جدًا، عجبته جدًا، وفي الدور بتاعي كنت بتاع مسمط وجبنا فعلًا في اللوكيشن أكلة مسمط”.
يذكر أن الفنان عبد الرحمن “توتا” يشارك في مسلسل “برستيج”، من تأليف إنجي أبو السعود وإخراج عمرو سلامة ومن بطولة مجموعة كبيرة من النجوم، بينهم:مصطفى غريب، راندا عوض والدة الممثلة الشابة جميلة عوض.
اقرأ أيضًا:
السبت.. عرض فيلم “خلف الجبل” في نادي السينما الأفريقية بالهناجر
هند عبد الحليم أمام البحر في أحدث ظهور لها
