06:50 م
الأحد 13 أغسطس 2023
كتبت- منال الجيوشي
تحدثت الفنانة هدى هاني عن علاقة أبطال مسلسل “يوميات ونيس” بالنجم محمد صبحي
وقالت: “أنا مش هدافع عن أستاذي لأن هو اللي علمني لكن أكبر دليل إني عملت أكتر من ٢٠ مسلسل وكان ليا كذا محطة نجحت فيهم منهم العطار والسبع بنات، العائلة والناس مع المخرج محمد فاضل، العار”
وعن حديث الفنانة عبير صلاح الدين بشأن احتكار النجم محمد صبحي لها قالت هدى هاني خلال حوارها مع الإعلامية إنجي هشام في برنامج المنسي عبر قناة هي: “مش هتكلم عن عبير صلاح الدين واللي قالته لكن في نجوم كتير وسوبر ستارز كان محمد صبحي اللي حاطط حجر أساسهم واكتشفهم منهم منى زكي، هاني رمزي، مصطفى شعبان أسماء كبيرة وكتيرة.
وتابعت: “المشكلة إنت لما بنرتبط بأستاذ صبحي بيبقي ليه طريقة معينة هو ليه طريقته وبيئته، بيبقى صعب لما تخرجي تتأقلمي مع شكل آخر، احنا مش بنبقي عارفين نتأقلم لكن هو عمره ما منع بالعكس أنا لما بيشوفلي عمل بيكلمني وبيقولي برافو عليكي إنما عمره ما قالي إيه اللي انتي عاملاه ده؟”
واختتمت حديثها قائلة: “هو مطلع كويس وبيشوف كل واحد فينا بيعمل ايه، لكن بيبقي غيور علينا وزي الأستاذ مع تلميذة مش عايزة يضل الطريق”.
