11:09 ص
الجمعة 08 سبتمبر 2023
كتب- هاني صابر:
وجهت ريم طارق طليقة مؤدي المهرجانات حسن شاكوش، رسالة جديدة له بعد اعلانهما انتهاء المشاكل فيما بينهما.
وأعادت طليقة شاكوش، نشر مقطع فيديو له، عبر حسابها على إنستجرام، وعلقت: “أنا كمان بتمنالك كل خير يا حسن وأكيد احنا حبايب وعايزة أقول حاجة للمتابعين للمشكلة بتاعتنا من الأول أن بلاش أي حد يدخل في مشاكلكم الشخصية حتى لو أقرب الناس ليكم”.
وأضافت: “لأنهم من كتر حبهم ليكم ممكن المشكلة تزيد مش تتحل وده اللي حصل معانا أنا وحسن يمكن لو كانت المشكلة بنا بس كانت اتحلت من بدري وأنا كمان بشكرك يا حسن وأنت وعدت ووفيت.. لله الأمر من قبل ومن بعد”.
وأعلنت طليقة حسن شاكوش، خلال الساعات الماضية انتهاء الخلافات التي نشبت بينهما خلال الشهور الماضية.
وقالت ريم، ببرنامج “دعوة فرح”: “الحمد لله أخدت كل مستحقاتي وحقوقي الشرعية من حسن، والحمد لله اني طلعت شخص كويس، وهو كمان شخص كويس، وراجل محترم”.
وأضافت: “كل اللي حصل كان سوء تفاهم وتدخل أكثر من طرف، وأي حد سيرته جت في الموضوع سواء من أهله أو من أهلي أو مامته في حقهم على راسي”.
يذكر أن ريم طارق أقامت دعوى نفقة ضد حسن شاكوش طالبته فيها بدفع 2 مليون جنيه بعد الخلافات التي أثيرت بينهما خلال الفترة الماضية ومن بينها طردها من منزلها.
