08:38 م
الجمعة 12 أبريل 2024
البحيرة – أحمد نصرة:
تشهد الملاهي الشعبية بمحافظة البحيرة، إقبال من الأهالي خلال أيام العيد، في ظل أسعارها الاقتصادية مقارنة بنظيرتها في الأندية والمراكز التجارية.
وتراوحت أسعار التذاكر بين 5 جنيهات و10 جنيهات للألعاب المختلفة ومن بينها بعض الألعاب المائية البسيطة.
يقول محمود: ” التذاكر هنا أرخص كتير من الأماكن التانية وفي متناول الطبقات المتوسطة، فيه ألعاب كتير حلوة جبت الأولاد وانبسطوا”.
وتقول أم ميادة: ” جو الملاهي الشعبية أجمل بكتير من الملاهي الموجودة في الأماكن الراقية، هنا بنحس فعلا بجو العيد”.
ويقول حسين – أحد العاملين بالملاهي: ” الإقبال الحمد لله كويس جدا وبيزيد خلال فترات المساء، الناس بتفضل تيجي هنا عشان أسعارنا في المتناول واللعبة اللي بيدفع فيها خمسين جنيه بره، ممكن يلعبها هنا ب5 أو ب10 جنيه بالكتير”.
