“حاسبوني على كلامي”.. أحمد موسى: انخفاض سعر الأرز 11 جنيها وسيصل لـ 10 جنيهات للكيلو خلال شهر ونصف

08:27 م


الأحد 02 يوليه 2023

كتب- محمد أبوالمجد:

قال الإعلامي أحمد موسى، إنه لا يوجد نقص في أي سلعة من السلع ولدينا احتياطي استراتيجي كامل ولا أزمات.

وأضاف “موسى” خلال تقديمه لبرنامجه “على مسئوليتي” على فضائية “صدى البلد” اليوم الأحد، أن هناك انخفاض في سعر الأرز بحوالي 11 جنيه، قائلًا: “في ناس هيبعتوا لي ويقولولي كلام غير صحيح وأنا بقولكم لأ صحيح”.

وتابع: “عايز أقولكم بعد شهر ونصف من اليوم واحسبوها عليا، هيوصل سعر كيلو الأرز إلى 15 و13 و10 جنيه للكيلو وحاسبوني على الكلام دا بعد شهر ونصف من دلوقتي”، موضحًا: “بقولكم كده عشان في كميات كتير موجودة ومعروضة والأسعار هتبدأ تنزل”.

وأردف: “أسعار الأرز هتبدأ تنزل أكثر وأكثر لأن المحصول الجديد هيبدأ ينزل والأهالي في بحري زرعوا العام الحالي أرز كتير بجانب البصل، فاللي عنده رز النهارده يلحق يعرضه وإلا هيخسر كتير أوي”.