عمرو أديب عن الانتقادات الموجهة إلى شريف عامر بعد مداخلة الزعيم: قرر يكون إنسان

12:44 ص


السبت 20 مايو 2023

كتب- حسن مرسي:

علق الإعلامي عمرو أديب؛ على الهجوم الذي تعرض إليه الإعلامي شريف عامر على خلفية مداخلة في الفنان عادل إمام، الأربعاء الماضي.

وقال أديب خلال برنامج “الحكاية” المذاع عبر فضائية “mbc مصر”: “هقولكم على سر الشغلانة؛ المذيعين نوعين نوع بيحسب الأشياء بشكل دقيق ونوع مبيحسبش حاجة خالص لا دا صح ولا دا غلط، وأنا عارف شريف بيفكر ازاي.

وأضاف مقدم الحكاية: شريف قرر يكون إنسان ولا يلجأ للضغط على الزعيم، شريف مش اللي هو مش عارف يسأله؛ أنا أقولك عشرين سؤال لعادل امام ولكن شريف كان مقدر أن الراجل داخل معاه يوم عيد ميلاده ومقدر أنه مش عايز يضايقه”.

وأكمل: “في مذيع تاني معندوش المشكلة دي يعني ميحسبهاش؛ ممكن يبقي في معاك مصدر عايز أعصرك للأخر، شغلتنا دي قايمة على واحد من جزء من الثانية؛ وأنت في ثواني معدودة يجب أن تقرر أشياء كثيرة أنا هعمل ايه هطول معاك والا هقصر؟”.