يوسف الحسيني: “لو متكسرتش الموجة الحارة الأزمة الأقتصادية هتنكسر والأوضاع هتتحسن”

12:49 ص


الإثنين 07 أغسطس 2023

كتب – معتز عباس:

قال الإعلامي يوسف الحسيني إن الأوضاع الاقتصادية سوف تتحسن الفترة القادمة، بفضل المجهود الكبير الذي تقوم به الدولة الفترة الحالية.

وأضاف “الحسيني”، في برنامجه “التاسعة”، المذاع عبر فضائية “الأولى المصرية”، مساء الأحد، قائلًا: “لو متكسرتش الموجة الحارة الأزمة العالمية الاقتصادية هتنكسر هتنكسر.. والأوضاع الاقتصادية كده كده هتتحسن”.

وأكمل: “كل مؤسسات الدولة والحكومة والأجهزة المعنية الجميع اشتغل بلا هوادة عشان نقدر نعدي ما يحدث بسبب ما جرى نتيجة فيروس كورونا والحرب الروسية الاوكرانية وتوابعها من ازمات اقتصادية”، مضيفًا: “أنا مش محتاج أقولك انها ازمة اقتصادية حصلت في الدنيا كلها وايه اللي اقدر اقدمه لك غير اني اقولك الحقيقة”.

وتابع: “هو لو الأزمة الاقتصادية دي مش عالمية ولو ان توابعها مش بتضرب العالم بما فيها أقوى اقتصاد في العالم وهي الولايات المتحدة الأمريكية، كان اية اللي يدفع الفيدرالي الأمريكي بعد ما كان مثبت سعر الفايدة يرفعها تاني هو انت فاكر 25 نقطة دي قليلة شوف بتعمل اية في البنوك المركزية في الاتحاد الاوروبي، المشكلة كبيرة وصعبة ومهياش هينة على الإطلاق”.