12:48 م
السبت 31 أغسطس 2024
كتبت-هند عواد:
أحيا وائل رياض لاعب الأهلي الأسبق ومدرب منتخب مصر للشباب، ذكرى رحيل محمد عبدالوهاب الـ18، والذي وافته المنية يوم 31 أغسطس 2006، أثناء تدريبات الأهلي.
وكتب وائل رياض عبر حسابه الرسمي على موقع “فيسبوك”: “كنا سهرانين مع بعض بنحضر أغنية اعتزال سيد عبد الحفيظ، قاللي بات معايا النهاردة ونروح سوا التمرين الصبح قولتله يا بوبا أشوفك بكرة يا صاحبي وروحت البيت، تاني يوم كنا في التمرين الساعة ٩ الصبح في التتش، عملنا التسخين وبدأنا التقسيمة ومرة واحدة وقع في الملعب”.
وأضاف: “صراخ وزعيق هاتوا الإسعاف اطلبوا الإسعاف، عربيتي كانت راكنة قدام الملعب، طلعت جري وشلناه ودخلناه العربية وركب جنبي كابتن حسام البدري وورا على الكنبة عبد الوهاب ودكتور إيهاب علي اللي بيزعق وبيقوله فوق يا عبد الوهاب، وصلنا المستشفى وبعد شوية بلغونا بالخبر(مات عبد الوهاب)”.
وأتم رياض: “أصعب لحظة مرت عليا في حياتي الكروية، ٣١-٨-٢٠٠٦، في الجنة ونعيمها يا عبد الوهاب و عمرنا ما هننساك”.
اقرأ أيضًا:
الأهلي ينهي علاقته بلاعبه
