01:53 م
الخميس 15 فبراير 2024
رد الإعلامي إبراهيم عبدالجواد على تصريحات ناصر ماهر، لاعب فريق الزمالك، خلال أحد البرامج التلفزيونية أن النادي الأهلي لا يملك أساطير مثل الزمالك.
قال إبراهيم عبدالجواد في برنامجه عبر قناة “أون تايم سبورتس”: “شفت تصريحات ناصر ماهر في أحد البرامج التلفزيونية، وبصراحة فيه نقاط كتيرة مكنش موفق فيها، ومنها أن النادي الأهلي مفيهوش أساطير والزمالك بس هو اللي فيه أساطير”.
أكمل: “طب أنا بقول لناصر ماهر، طب محمد الشناوي إيه ظروفه، ده حارس مصر الأول ووصل اتنين نهائي بطولة أفريقيا مع منتخب مصر، غير المشاركة مع النادي الأهلي في مونديال الأندية والحصول على كل البطولات، وأحمد فتحي اللي قفل اللعبة من قبله وخد كل البطولات”.
أوضح: “بقول لناصر ماهر، اللي مالوش خير في أهله مالوش خير في حد، واللي مالوش خير في النادي اللي رباه عمره ما هيكون ليه خير في النادي اللي رايحله”.
وأتم تصريحاته: “مش فاهم ليه عشان نعظم من شأن الزمالك، نخسف بالأهلي الأرض، يعني عبدالله السعيد اللي ناصر استشهد بيه، عمره ما تطلع منه التصريحات دي، لأن الكبير عمره ما يطلع منه التصريحات دي، نعم ممكن تكسب عقول البعض بالكلام ده، بس صدقني اللي هيخليك تخطف قلوب الناس هو الملعب والبطولات”.
اقرأ أيضا:
“هيتنفذ غصب عنكم”.. رضا عبدالعال يفتح النار على حازم وبركات بسبب حسام حسن
“يليق بتاريخهما”.. كل ما تريد معرفته عن مؤتمر تقديم التوأم لقيادة المنتخب
“لن يتكرر مجددا”.. أول تعليق من لاعب الزمالك بعد إيقافه لأجل غير مسمى
