11:20 م
الأحد 21 مايو 2023
ستوري نجوم كرة القدم.. صلاح داخل الجيم.. ميدو في العمرة.. ثنائي المنتخب من قطر
12:23 ص الجمعة 20 سبتمبر 2024 كتب - يوسف محمد: شارك العديد من نجوم كرة القدم داخل مصر وخارجها، متابعيهم...
11:20 م
الأحد 21 مايو 2023
كتب – معتز عباس:
عقب والد لاعب منتخب أحمد فؤاد بغدودة، على هروب نجله من مقر البعثة المصرية في تونس، بعد تتويجه بفضية بطولة إفريقيا للمصارعة الرومانية، والمقامة في تونس خلال الفترة ما بين 15 وحتى 21 من مايو الجاري.
وقال “بغدودة”، في مداخلة هاتفية ببرنامج “كلمة أخيرة”، المذاع على فضائية “أون إي”، اليوم الأحد: “معنديش مبرر للي حصل لكن هرد على ما قاله سكرتير الاتحاد المصري للمصارعة: “بيقول ان احمد بياخد 7 آلاف جنيه والله ابني ما شاف اكتر من 2200 جنيه ومن المشروع القومي من شهرين بس، انا راجل على قدي ومعرفش اعبر عن اللي جوايا بكلمك وأن أب زعلان ومكبوت على ابنه وانا برضة مش عارف اوصل لابني”.
وأضاف، قائلًا: “لغاية وقتنا هذا معرفش عنه حاجة وانا مكنتش اعرف اني طالع مسافر يلعب بطولة افريقيا ومعرفش عنه حاجة، أحمد طول عمره بيحلم بيمدالية أولمبية، ابني بقاله 12 سنة في الاتحاد ماخدش من اتحاد المصاروعة حاجة وبياخد من المشروع القومي 2220 جنيه على البريد ومعايا ايصالات بكدا”، متابعًا: “ابني اتعرض لضغوط قبل افريقيا بشهرين، وبقاله سنة مخدش ولا جنيه من الاتحاد واتصرفله 16 الف جنيه وخصموا منه 14 جنيه بحجه ضرايب واخد 1200 جنيه في الأخر”.
وتابع: “أنا راجل بسيط سواق توكتوك، أنا راجل شقيان على ولادي وعندي غيره 2 أطفال، إبني مش بياخد 7 آلاف جنيه، ولايحصل على أموال منذ سنوات طويلة من الاتحاد”، مستطردًا:” الكل طالع يقطع في ابني ابني لعب بطولة في كرواتيا وكان لوحده لو كان هرب مكنش حد هيساله طفش ولا مطفش، أنا اللي بصرف على ابني وبطلع من قوت عيالي عشان أطلع بطل لمصر وفي الاخر يتقال عليه هارب”.
وأكمل: أنا راجل فقير على قدي وبشتغل سواق على توك توك ولا اعرف حد في فرنسا ولا برة، وبحافظ على كرامة ابني في وسط الناس، أنا مش قادر اجيب لابني جزمة يلعب بيها وشحت جزمة من صحابه عشان يلعب بيها”.
وأتم: “أنا اللي بصرف عليه والل، وبجه لأبني رسالة ارجع مصر هي أولى بيك وإحنا اتولدنا فيها وهنعيش ونموت فيها”.
12:23 ص الجمعة 20 سبتمبر 2024 كتب - يوسف محمد: شارك العديد من نجوم كرة القدم داخل مصر وخارجها، متابعيهم...
12:30 ص الجمعة 20 سبتمبر 2024 كتبت - نهى خورشيد: يستعد الفريق الأول لكرة القدم بنادي الزمالك لتأكيد صعوده إلى...
12:38 ص الجمعة 20 سبتمبر 2024 كتب - يوسف محمد: أقيمت أمس الخميس، العديد من المباريات في مختلف المسابقات والمنافسات...
12:30 ص الجمعة 20 سبتمبر 2024 كتبت - نهى خورشيد: تقام اليوم الجمعة الموافق 20 أغسطس الجاري، العديد من المباريات...
12:30 ص الجمعة 20 سبتمبر 2024 كتبت - نهى خورشيد: نشر موقع مصراوي العديد من الموضوعات الهامة أمس الخميس، نستعرضها...